Kolegji Profesional Universum (KPU) është pjesë e projektit ndërkombëtar CO-HOST, një mundësi e jashtëzakonshme për nxënësit tanë për të zhvilluar aftësitë profesionale dhe për të krijuar përvoja ndërkombëtare që do t’i ndihmojnë ata të jenë më të përgatitur për tregun global të punës.
Në kuadër të këtij projekti, 10 nxënës nga shkolla jonë po marrin pjesë në një trajnim dy-javor në Sofia, Bullgari. Ky trajnim ka për qëllim të ofrojë mundësi të pasura për zhvillimin e aftësive profesionale, duke u mundësuar nxënësve të zhvillojnë njohuri dhe kompetenca të nevojshme për të arritur sukses në një botë gjithnjë e më të globalizuar.
Ky projekt është një mundësi e shkëlqyer për të forcuar lidhjet ndërkombëtare, duke u mundësuar nxënësve të eksperimentojnë me kultura dhe sisteme të ndryshme arsimore dhe profesionale. Me anë të këtij trajnimi, ata do të kenë mundësinë të thellojnë njohuritë e tyre, të ndërtojnë marrëdhënie profesionale dhe të zhvillojnë aftësi të rëndësishme që do t’i ndihmojnë të jenë konkurrues në tregun e punës global.
KPU-Kolegji Profesional Universum mbetet e përkushtuar për të siguruar mundësi edukative që kontribuojnë në suksesin dhe zhvillimin e nxënësve tanë.
Për më shumë informata kontakto 045481241 KPU-Kolegji Profesional Universum ose na ndiqni në rrjete sociale.
