Kjo javë përfundoi me një eksperiencë të paharrueshme për nxënësit tanë, të cilët, të shoqëruar nga stafi i shkollës, vizituan Kanionin Matka, një nga bukuritë natyrore më të mëdha të rajonit. Ky vend magjik ofron një panoramë mahnitëse, duke i dhënë mundësinë nxënësve të shijojnë natyrën dhe qetësinë që e karakterizon.
Përveç explorimit të kanionit, nxënësit patën mundësinë të njihen edhe me pjesë të rëndësishme të historisë dhe kulturës së vendit. Ata vizituan çarshinë e vjetër të Shkupit, ku ndanë momente të veçanta dhe mësuan rreth traditave lokale. Një nga pikat më frymëzuese të vizitës ishte shtëpia-muze e Nënës Terezë, ku nxënësit kishin mundësinë të thelloheshin në jetën dhe veprën e një prej figurave më të shquara të botës.
Ne besojmë se përvoja të tilla jashtë klasës janë të rëndësishme për zhvillimin e nxënësve, sepse ndihmojnë në zgjerimin e horizontit të tyre, rrisin kuptimin e historisë dhe kulturës, dhe gjithashtu forcojnë bashkëpunimin dhe frymën e ekipit brenda shkollës.
Kjo ishte një mundësi tjetër për nxënësit tanë që të përjetojnë mësimin në një mënyrë tjetër, më të thellë dhe më të drejtpërdrejtë. Të tilla aktivitete do të vazhdojnë të jenë një pjesë e rëndësishme e eksperiencës shkollore.
