Kjo e shtunë ishte një ditë e mbushur me kreativitet dhe teknologji, pasi bashkë me Shigjeta LLC organizuam një aktivitet të paharrueshëm – #CodingDay! Nxënësit tanë u ndanë në grupe dhe shfaqën aftësitë e tyre të jashtëzakonshme në kodim, duke krijuar projekte inovative që na impresionuan të gjithëve. Pjesëmarrësit patën mundësinë të shfaqin mendjet e tyre krijuese dhe të aplikojnë njohuritë e tyre në zhvillimin e teknologjisë.
Ky aktivitet u bë edhe më i veçantë me pjesëmarrjen e nxënësve nga shkolla të tjera të Qytetit të Ferizajit, duke krijuar një atmosferë të ngrohtë bashkëpunimi dhe konkurrencë pozitive. Të gjithë të pranishmit u frymëzuan nga pasioni dhe angazhimi i të rinjve për teknologjinë dhe inovacionin.
Për të kurorëzuar këtë arritje të jashtëzakonshme, grupi fitues përfitoi një trajnim 2-javor në Sofie, Bullgari, mundësuar nga #KPU. Ky është një hap i madh për zhvillimin e aftësive të tyre dhe mundësia për të marrë më shumë njohuri dhe përvoja në fushën e teknologjisë.
Ky aktivitet ishte një tjetër shembull i angazhimit tonë për të inkurajuar dhe mbështetur krijimtarinë dhe zhvillimin profesional të nxënësve tanë në fushat e teknologjisë dhe kodimit.
