Aktivitetet Shkollore

Kolegji Profesional Universum ofron një gamë të gjerë aktivitetesh shkollore dhe mundësish për zhvillimin akademik dhe profesional të nxënësve.

Klube dhe Aktivitete Extra-Kurrikulare

Konsiderojmë se klubet dhe aktivitetet extra-kurrikulare janë thelbësore për zhvillimin e gjithanshëm të nxënësve, pasi ato ndihmojnë në përmirësimin e aftësive sociale dhe ndërpersonale, nxisin zbulimin e interesave dhe talenteve të reja, dhe rrisin vetbesimin tek nxënësit tanë.

Disa nga klubet aktive në KPU:

Klubi Shkencor dhe Teknologjik
Klubi i Letërsisë dhe Shkrimit
Klubi i Arteve dhe Muzikës
Klubi i Sportit

Aktivitete Vullnetare

Aktivitetet vullnetare në mbështetje të kauzave të ndryshme janë thelbësore për forcimin e komunitetit, ndërtimin e një shoqërie të bashkuar dhe të përgjegjshme, duke ofruar gjithashtu mundësi për zhvillimin personal dhe rritjen e ndërgjegjësimit mbi çështje të rëndësishme tek nxënësit.

Aktivitete Sociale

KPU organizon një sërë aktivitetesh sociale për të nxitur zhvillimin e aftësive sociale dhe për të krijuar një ambient të ngrohtë dhe mbështetës për nxënësit e saj. Këto aktivitete janë të dizajnuara për të ndihmuar në rritjen e ndjenjës së përkatësisë dhe bashkëpunimit ndërmjet nxënësve, si dhe për të ndihmuar në zhvillimin e aftësive të tyre personale dhe profesionale. Disa nga aktivitetet: Organizimi i Eventeve Kulturore dhe Artistike; Projekte dhe Kampanja Sociale; Punetori për Zhvillimin Personal dhe Profesional etj.

Bootcamps me ekspert nga industria

Bootcamps me ekspertë nga industria janë programe intensive që ofrohen në KPU në fushat e teknologjisë, biznesit dhe mjekësisë. Këto bootcamps janë të dizajnuara për të përgatitur nxënësit për sfidat reale të tregut të punës dhe për të zhvilluar aftësi të kërkuara në industrinë përkatëse, bazuar në përvojen dhe njohuritë e ekspertëve të angazhuar.

Konferenca dhe Publikime

Në Kolegjin Profesional Universum, konferencat dhe publikimet e hulumtimeve dhe projekteve të nxënësve janë të integruara në përvojën akademike për të nxitur angazhimin dhe zhvillimin profesional të studentëve.

Vizita studimore & Eskurzione

Vizitat studimore dhe eskurzionet i ofrojnë nxënësve mundësi për të eksploruar dhe për të mësuar në një mënyrë më të angazhuar dhe të argëtushme. Këto aktivitete ndihmojnë në ndërtimin e një lidhjeje më të fortë ndërmjet studentëve dhe mësuesve, si dhe në zhvillimin e aftësive të tjera jashtë mësimit tradicional.