Sot, në ambientet tona mësimore, festuam Ditën Ndërkombëtare të Numrit Pi (#PiDay) me një sërë aktivitetesh praktike dhe edukative që sollën matematikën më afër nxënësve – në mënyrë kreative dhe argëtuese!
Përmes aktiviteteve hands-on, nxënësit u angazhuan në eksperimente të thjeshta, matje reale dhe ushtrime logjike që ndihmuan në kuptimin konkret të numrit Pi (π) – një nga simbolet më të famshme dhe misterioze të matematikës.
🔍 Gjatë ditës:
- Zbuluam fakte interesante rreth Pi
- Diskutuam përdorimet e tij në përditshmëri dhe në shkencë
- Shikuam video informative dhe dokumentare të shkurtër, që na ndihmuan të kuptojmë më thellë historinë dhe rëndësinë e këtij numri të pafund.
Nxënësit jo vetëm që mësuan më shumë, por edhe punuan në grup, ndanë ide dhe u argëtuan, duke e kthyer këtë ditë në një përvojë mësimore të paharrueshme.
